24 Dezember
2008年，真喺多事嘅一年！周围发生左无数咁多事，有开心嘅，亦都有唔开心嘅……
1、例如080808既奥运会成功举行，中国第一次拿到金牌榜既No.1，普天同庆！又例如年初雪灾、“512”汶川大地震、孟买恐怖袭击、泰国政变……大部分人每年嘅新年愿望都喺世界和平，点解越希望和平就越唔和平呢？无解……
2、例如刘嘉玲&梁朝伟、李嘉欣&许晋亨、Kelly&Alex，结束左唔记得几多年既爱情长跑，终于拉埋天窗，噔噔噔噔……正所谓有人欢喜有人愁，又例如Dodo姐&吕方，亦都喺今年结束左唔记得几多年嘅爱情长跑，从此分手快乐～再例如周慧敏&倪震，前几日话倪生同小三激吻，过几日就同周小姐各自发布一份声明，宣布正式分手，再过几日又话已经排好期，决定喺Christmas过后嘅26日注册结婚！你话如果佢地唔喺艺人，事情嘅发展会唔会更令人意想不到？
3、例如ShinHwa嘅Eric、DongWan终于喺接近30岁高龄嘅候暂别娱乐圈，光荣地为韩国部队效劳；HyeSung、Andy都分别选择来中国开演唱会，努力开拓中国市场……又例如东方神起喺阔别韩国乐坛1年7个月后，以一只《MIROTIC》横扫韩国各大年终颁奖典礼，拿奖拿到手软，风光无限！再例如韩国嘅艺人，一个接一个选择离开佢地嘅家人、朋友、fans，一个接一个地自杀、意外撞车……嗰段时间嘅韩国娱乐新闻简直可以用愁云惨雾来形容～
4、例如好朋友鱼鱼小姐同师兄结为伉俪，成为一个幸福的小妇人；例如同学秋霞姐升级做妈妈，有个可爱个女女；例如痴情表弟杰仔揾到个可爱女朋友，甜甜蜜蜜；又例如Rachel同学又再经历左一次刻骨铭心嘅痛……
5、例如1月份，我正式从商场调到写字楼，从一个只会出下通知嘅文员，突然摇身一变，变成一个为租户服务&每个月都要对住D令我极度头大问题嘅计费员。每一日都接受租户嘅挑战，每个月都会有一次crazy状态，想尽快结束哩个crazy嘅本命年～
6、例如挑战自我，同江小姐2个做左一回背包族，走去丽江、泸沽湖、香格里拉，感受到祖国河山嘅壮丽！仲非常好彩地见到“日照金山”嘅场面，好壮观！！！又例如暑假嘅时候同徐先生走去HK迪迪尼，睇左个好令人兴奋嘅烟花，提前过左一个梦幻嘅生日～
7、例如公公中风脑出血，吓到喺泸沽湖玩嘅我突然没晒心情～好彩而家公公恢复得好好，正常人一个！又例如大姨婆、爷爷突然离开……心中有好多不舍，脑中有好多回忆……
2008年眨下眼就结束了，2009年眨下眼就到了，我嘅新年好简单亦都好老土：一家人整整齐齐，个个都身体健开！每日都开心！世界和平！
P.S. 今晚喺Christmas Eve，祝大家HAPPY CHRISTMAS & MERRY NEW YEAR！ 21 November
即使好早已经做好心理准备，但系真正到来又真系好唔舍得……
要慢慢释怀了～
06 November
日日都觉得好累～但系极度醒训之余，又训唔耐～成日都眼皮重重又眼皮肿肿甘。
压力问题？话没就系impossible，但系又好似未去到会影响睡眠甘严重，而且最近好似没咩开心既事&值得开心既新闻。
反正要不断重复一句我最近成日讲既野，就系大家都要注意身体健康啊！！！
23 April
N年都未更新过SPACE了，趁住今晚突然心血来潮，快D改下版先！
首先将shinhwa最新既MV放上来俾大家传阅，跟手再放埋旧年十·一去上海同埋今年2月澳门既相上去，我会尽量系哩个星期内将我去云南玩既相放埋上去架啦，俾心机= =啦～
本命年过左未到1/2，感觉上好似经历左好多野～例如调部门到写字楼哩个大家庭；例如读书期间既同室密友鱼鱼通知我11月要做新娘了；例如琦琦哥哥做爸爸了，可青阿姨荣升为嬷嬷；例如感冒期间去到4千几米都竟然没高原反应；再例如公公突然入院啦……事实证明哩个世界有好多野都系好难预料！
Anyway，船到桥头自然直，而家首要任务系继续努力工作，再来就要帮忙照顾好公公啦。
P.S. 希望公公早日康复出院，减少病痛啦！
Extras 
Private Nachricht senden
RSS-Feed abonnieren
Weiterempfehlen
Zu My MSN hinzufügen
Zu Ihrem Netzwerk hinzufügen
Für Benachrichtigungen registrieren
